Accessibility links

BMT-nin Haaqa müharibə cinayətləri tribunalı Bosniyanın sabiq serb ordu lideri Ratdo Mladiçə hökm oxuyub. O,1990-cı illərdə keçmiş Yuqoslaviyada baş verən münaqişə zamanı müharibə cinayətləri törətməkdə günahlandırılıb.

Məhkəmə Mladiçə qarşı irəli sürülən soyqırım, müharibə cinayətləri, təqib, deportasiya və insanlığa qarşı cinayət daxil olmaqla, 11 ittihamın 10-na görə hökm oxuyub. Ona ömürlük həbs cəzası verilib.

“Bosniyanın Qəssabı” kimi tanınan Mladiç 1992-ci ildən 1995-ci ilədək davam edən Bosniya müharibəsi ilə əlaqəli olaraq başladılan məhkəmədə müharibə cinayəti ittihamları ilə üzləşən ən son keçmiş hərbi liderdir.

Mladiç Sarayevoda snayper kampaniyalarına başçılıq etməkdə və 1995-ci ildə İkinci Dünya Müharibəsindən sonra Avropada yaşanan ən tələfatlı soyqırım zamanı Srebrenitsada 8 min müsəlman kişi və oğlanın öldürülməsində rol oynamaqda ittiham olunurdu.

Məhkəmə Mladiçin Srebrenitsada Bosniyanın müsəlman əhalisini məhv etmək istədiyini deyib.

Fikirləriniz

Show comments

XS
SM
MD
LG