Accessibility links

Zimbabvenin sabiq prezidentinə toxunulmazlıq statusu verilib


Zimbabvenin sabiq prezidenti və onun xanımına toxunulmazlıq statusu verilib.

Hakim ZANU-PF və jurnalistlər Amerikanın Səsinə xəbəri təsdiq edib.

Muqabe Zimbabve generalları və siyasi liderlərlə təqaüd məsələsini müzakirə edir.

Robert Muqabe parlamentin onun 40 illik hakimiyyətinə son qoymaq üçün impiçment prosesinə başlamasından sonra Zimbabve prezidenti kimi vəzifəsindən istefa verib.

93 yaşlı Muqabe ordunun hakimiyyəti ələ almasından və onun özünün mənsub olduğu ZANU-PF partiyasının istefa çağırışlarından bir həftə sonra hələ də hakimiyyətdə qalmaqda davam edirdi.

Parlamentin spikeri Ceykob Mudendanın Muqabenin istafa verdiyi və impiçment prosesinin dayandırıldığını elan etməsi böyük sevinclə qarşılanıb.

Muqabenin qəfil süqutunun əsas səbəbi onun hakimiyyətinə qarşı ümumxalq etirazı ilə deyil, onu hakimyyətdə əvəz edəcək iqtidar nümayəndələri arasında rəqabətlə bağlıdır.

İnsan haqlarının müdafiəsi qrupları Muqabeni seçkilərin saxtalaşdırılması korrupsiya, işgəncələr və minlərlə siyasi opponentinin qətlinə imkan yaratmaqda günahlandırır.

Fikirləriniz

Show comments

XS
SM
MD
LG