Mustafa Abdel Cəlil:Müəmmər Qəzzafi ölkədə qala bilər

Liviyanın müxalifət lideri Mustafa Abdel Cəlil deyib ki, istefa verdiyi və beynəlxalq müşahidə altında olmağa razılıq verdiyi təqdirdə, Müəmmər Qəzzafi ölkədə qala bilər. Reuters xəbər agentliyinə müsahibəsi zamanı Cəlil bildirib ki, bu təklif BMT vasitəsi ilə Qəzzafiyə bir ay əvvəl təqdim edilib. O, təklifə hələ ki, cavab verilmədiyini deyib. Müxalifət lideri bildirib ki, Qəzzafi ölkədə qalmaq istəsə, onun qalacağı yer rəqib qüvvələr tərəfindən müəyyən ediləcək. Qəzzafi isə 42 illik hakimiyyətinə etiraz olaraq qalxan münaqişənin sonunadək mübarizə aparacağına and içib.