Accessibility links

Myanmada vəziyyət dalana dirənib


Təhlilçilərin fikrincə, Myanmada xunta ilə xilaskar silahlı müqavimət arasında gedən döyüşlər “ölümcül dalana dirənib” və hər iki tərəf zorakılıqların getdikcə daha da artdığı bir vaxtda nokaut zərbəsi üçün gücə malik deyil.

Hüquq müdafiəçiləri deyir ki, demokratik yolla seçilmiş hökumətin 1 fevral çevrilişinə qarşı davam edən etirazlarda əsgərlər və polislər 1200-dən çox dinc sakini güllələyib.

Qanlı basqılardan hiddətlənən ölkədə onlarla icma silaha sarılaraq xalqın müdafiə qüvvələrini (PDF) yaradıb.

Yeni rejimi hədəf alan pusqular, sui-qəsdlər və partlayışlar barədə xəbərlər artmaqdadır.

Hərbçilər də zorakılığı gücləndirir. Son bir ay ərzində ölkənin şimal-qərb hissəsində PDF-ə qarşı hücumlar edilib, xunta qüvvələri tərəfindən işgəncə və cinsi təcavüz xəbərləri fonunda on minlərlə yerli sakin evlərindən qovulub.

Brüsseldə yerləşən Beynəlxalq Böhran Qrupu çevrilişdən sonrakı zorakılıqla bağlı son hesabatında Myanmanın “sonu görünməyən” “çıxılmaz vəziyyətə” düşdüyü bildirib.

Təxminən 350 000 əsgəri ilə Tatmadau kimi tanınan Myanma ordusu regionda ən böyük ordulardan biridir və ölkənin sərhədyanı ərazilərində torpaqlar uğrunda mübarizə aparan etnik silahlı qruplara qarşı onilliklər ərzində döyüşlərdə sərtləşib.

Qeyri-kommersiya Asiya Fondunun keçmiş Myanma üzrə direktoru Metyu Arnoldun keçən ay döyüşlərlə bağlı müstəqil hesabatında deyilir ki, rejim hətta yüzlərlə mil uzaqlıqdakı PDF-ə qarşı ölkənin ticarət mərkəzi olan Yanqona yol polisi yerləşdirib və xunta tərəfdarlarını göndərib.

Dünyaya Baxış

Dünyaya Baxış. ABŞ dövlət katibi Antony Blinken Ukraynaya rəsmi səfər edib
please wait

No media source currently available

0:00 0:11:56 0:00
XS
SM
MD
LG