Azərbaycan gömrükçüləri Avropaya daşınması nəzərdə tutulan külli miqdarda narkotik vasitənin ölkənin gömrük sərhədindən keçirilməsinin qarşısını alıb.
Dövlət Gömrük Komitəsinin məlumatına görə, İran vətəndaşı Arjomandzadeh Gholamreza Mohammad Alı idarə etdiyi "Renault" markalı yük nəqliyyat vasitəsilə İrandan Azərbaycan ərazisindən tranzit keçməklə Niderland Krallığına "kiçik ölçülü transformatorlar" yükünü apararkən Astara Gömrük İdarəsinin (İranla sərhəd) idxal nəzarət xəttində saxlanılıb.
“Nəqliyyat vasitəsinə kinoloji xidməti iti tətbiq edilməklə baxış keçirilib. Baxış zamanı 102 ədəd paketdə ümumi çəkisi 52 kiloqram 390 qram təşkil edən heroin aşkarlanıb”, məlumatda qeyd edilib.
Faktla bağlı araşdırma aparılır.
