NATO-nun baş katibi Anders Foq Rasmussen təşkilat üzvlərinə raketlərə qarşı müdafiə sistemini dəstəkləməyi təklif edib. Cənab Rasmussen bu açıqlamasını bu gün NATO-ya üzv ölkələrin xarici işlər və müdafiə nazirləri ilə görüşü zamanı verib. Təşkilata üzv bəzi ölkələr iqtisadiyyatdakı böhran zamanı müdafiə sistemlərinə sərf ediləcək xərclərin əleyhinədirlər. Rəsmilər Brüsseldə keçirilən yığıncaqda NATO-da kibernetika müharibəsi və raket təhlükələrinə qarşı islahatları müzakirə edirlər. Bu islahatlara NATO-ya üzv ölkələrin gələn ay Portuqaliyada keçiriləcək yığıncağında yeni xartiyasının müzakirəsi də daxildir.
NATO-nun baş katibi təşkilat üzvlərinə raketlərə qarşı müdafiə sistemini dəstəkləməyi təklif edib
