Accessibility links

Nyu Yorkda yəhudi icmasına hücum edən şəxs saxlanılıb


Nyu York hüquq mühafizə orqanları bildirir ki, şənbə günü Hanuka yəhudi bayramının yeddinci gecəsində şübhəli Qrafton Tomas bir ravinin evində beş adamı bıçaqladığı üçün saxlanılıb.

Nyu Yorkun Monsey qəsəbəsində baş verən hücum zamanı ravinin evində təxminən 70 nəfər olub.

“Beş nəfərə sui-qəsd cəhdi və birinci dərəcəli oğurluq işinə baxılacaq," deyə polis rəisi Brad Veidel bildirib.

Hakim zəmanətin məbləğini $5 milyon dollar olaraq təyin edib. Qrafton həbsdə saxlanılır.

Prezident Donald Tramp hücumu "dəhşətli" adlandırıb. O, Twitter hesabında yazıb:

"Hamımız antisemitizm bəlası ilə mübarizə aparmaq, ona qarşı durmaq və onu aradan qaldırmaq üçün bir araya gəlməliyik. Melania və mən yaralıların tezliklə sağalmasını diləyirik."

"Son bir neçə həftədir ki, davam edən bayramlar dövründə Nyu Yorkda antisemitizm zəminində 13 insident baş verib,” Nyu York ştatının qubernatoru Endryu Kuomo deyib.

“Bu terrordur. Bu daxili terrorizmdir. Bunlar kütləvi zərər, kütləvi zorakılıq törətmək, irq, rəng, inanc əsasında qorxu yaratmaq niyyətində olan insanlardır. Terrorun tərifi budur. Bu insanların başqa ölkələrdən gəlməməsi onların terrorçu olmadığını ifadə etmir. Onlar ölkədaxili terrorçu kimi məsuliyyətə cəlb olunmalıdırlar,” Kuomo əlavə edib.

Hüquq-mühafizə orqanları əməkdaşlarının bildirdiyinə görə, bu hadisə son bir neçə gündə Nyu York şəhərinin ərazisində baş verən anti-semit hücumların ən sonuncusu və ən şiddətlisidir.

Dünyaya Baxış

Dünyaya Baxış - 27 iyul 2021
please wait

No media source currently available

0:00 0:10:00 0:00

Amerika İcmalı

Amerika İcmalı - 23 İyul 2021
please wait

No media source currently available

0:00 0:29:57 0:00
XS
SM
MD
LG