ABŞ-ın sabiq prezidenti Barak Obama bu ay dünyanın ən böyük məktəb buraxılışı günü açılış çıxışı edəcək.
Milyonlarla yuxarı sinif şagirdi koronavirus səbəbi ilə ənənəvi buraxılış günündən məhrum qalıb.
Obamanın nitqi Birlikdə təhsilimizi bitirdik : Amerika 2020-ci il buraxılış sinfini şərəfləndirir adı altında baş tutacaq.
ABŞ-ın 4 əsas televiziya şəbəkəsi mayın 16-da bu təddbirlə bağlı xüsusi proqramlar təşkil edəcək. Tədbir 20 digər rəqəmsal platforma tərəfindən də işıqlandırılacaq.
Tədbir iştirakçıları arasında basketbol üzrə super ulduz Lebron Ceyms, pakistanlı qadın hüquqları fəalı Malala Yusifzay və məşhur aktyor Ben Platt yer alacaq.
Bu il ABŞ-da 3 milyon yuxarı sinif şagirdi təhsilini başa vurur.
