ABŞ prezidenti Barak Obama Amerika xalqına iqtisadi planlarını açıqlamaq üçün yola cıxıb. O, Ayova səfəri çərçivəsində Amerikanın istehsalat sahəsinin yenidən qurulması və alternativ enerji barədə nitq söyləməlidir. Prezident iqtisadi dəyişikliklərin vergi kodeksində islahatlar təqdirində mümkünlüyünü önə çəkir. Barak Obama ABŞ Konrqesini vergilərin ixtisarına dair qanunun gecikdirilmədən və ətrafında qalmaqal yaradılmadan təsdiqinə çağırıb. ABŞ dövlət başçısı deyib ki, yüksək vergiləri yüksək gəliri olanlar ödəməlidir. Cənab Obama Arizona, Kolorado, Nevada və Miçiqan daxil olan və seçkilər üçün siyasi əhəmiyyət daşıyan 5 ştata səfər edəcək.
Barak Obama Amerika xalqına iqtisadi planlarını açıqlamaq üçün yola çıxıb
- Amerikanın səsi
