Accessibility links

Oqtay Gülalıyev yenidən əməliyyat olunacaq


İstanbulda Amerika Xəstəxanasında müalicəsini davam etdirən hüquq müdafiəçisi Oqtay Gülalıyev yanvarın 10-da yenidən əməliyyat olunacaq.

Bu barədə onun oğlu Əli Gülalıyev Facebook statusunda yazıb.

Onun sözlərinə görə, atasının vəziyyətindəki müsbət dinamikaya baxmayaraq, həssaslığı qaytaran preparatlara hələ də zəif reaksiya verir.

“Ona görə də yanvarın 7-də onu yenidən MRT-dən keçirdilər. Beynində yenə də maye toplanması var. Bu səbəbdən atam növbəti dəfə əməliyyat ediləcək”, Əli Gülalıyev bildirib.

Oqtay Gülalıyevin səhhətində müsbət dinamika olduğu, komadan ayılma ehtimalının yarandığı bildirilir. Hüquq müdafiəçisi son günlərdə gözlərini açıb.

Oqtay Gülalıyev oktyabrın 29-da avtomobil vurduqdan sonra ağır kəllə-beyin travması alıb və komaya düşüb. Həkimlər beyinə qansızma diaqnozu qoyublar.

Oktyabrın 30-da o, beyindən gematomanın çıxarılması üzrə əməliyyat olunub.

Noyabrın 5-də birinci vitse-prezident Mehriban Əliyevanın tapşırığı ilə Heydər Əliyev Fondu hüquq müdafiəçisinin müalicəsi ilə bağlı məsələlərin həllini öz üzərinə götürüb.

Bundan sonra Oqtay Gülalıyev noyabrın 6-da Bakıdan AZAL-ın xüsusi ambulans təyyarəsi ilə Türkiyəyə aparılıb və İstanbul Avrasiya Xəstəxanasına yerləşdirilib.

Noyabrın 19-da hüquq müdafiəçisi İstanbulda yerləşən Amerika Xəstəxanasına (Amerikan Hastanesi) köçürülüb.

Noyabrın 22-də onun beynində növbəti neyrocərrahiyyə əməliyyatı aparılıb.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG