Accessibility links

“Oskar” reklam fasiləsi zamanı təqdim edilməyəcək


Amerikanın kinoakademiyası dörd “Oskar” mükafatını reklam fasiləsi zamanı təqdim edilməsi fikrindən vaz keçib. Buna səbəb qərarı mübahisələndirənlərin tənqidi olub.

Hələ keçən il izləyicilərin marağının azalmasına görə, “Oskar” mərasiminin televiziya yayımının müddətini qısaltmaq qərarı verilmişdi. Bazar ertəsi isə yayımı qısaltmaq üçün hansı mükafatların reklam fasiləsi zamanı təqdim ediləcəyi məlum olub – “Ən yaxşı operator işi,” “Ən yaxşı montaj,” “Ən yaxşı qrim,” və “Ən yaxşı qısa metrajlı film.”

Bu qərar Corc Klunu, Martin Skroseze, Meril Strip də daxil olmaqla bir sıra tanınmış kinematoqraf, rejissor, produsser və aktyoru hiddətləndirib.

Amerikanın Kinooperatorlar Cəmiyyəti təşkilat komitəsinə etiraz ünvanlayıb. Cəmiyyətin rəhbəri Kis Van Oostrum Reuters agentliyinə bildirib ki, bu təşəbbüsün müəllifləri nə etdiklərini anlamırlar:

“Bu cür qərarın arxasında hörmətsizlik dayanır. Bu, film üzərində çalışan insanların – operatorların, mantaj işçilərinin, stilistlərin, qısa metrajlı filmlərin müəlliflərinin üzünə baxıb, “sənin görülən işdə əməyin digərlərindən daha azdır” deməkdir.”

“Ən yaxşı operator işi” kateqoriyasında “The Favourite,” “Roma” və “A Star Is Born” filmlərinin nominasiyaları irəli sürülüb. “Ən yaxşı montaj işi” kateqoriyasında isə qalib “Bohemian Rhapsody,” və ya “Green Book” filmləri ola bilər. Bu filmlərin hər biri mərasimin əsas mükafatını nominantları arasındadır.

Keçən il təşkilat komitəsi mərasimə yenilik əlavə edərək, “Ən məşhur film” kateqoriyasını daxil etmək niyyətində idi. Lakin tənqidlərə görə, bu planlardan imtina edilməli oldu.

“Oskar” mükafatının təqdim edilməsi mərasimi 24 fevral tarixində keçiriləcək. Mərasimin yayımı əvvəlki illərdə olduğu kimi 3 saatdan çox davam edəcək.

Dünyaya Baxış

Dünyaya Baxış. ABŞ COVID-19 peyvəndinin gücləndirici dozasını təsdiqləyib
please wait

No media source currently available

0:00 0:11:54 0:00

Amerika İcmalı

Amerika İcmalı - 17 Sentyabr 2021
please wait

No media source currently available

0:00 0:29:53 0:00
XS
SM
MD
LG