Accessibility links

Pakistanın Əfqanıstanla sərhədində bomba partlayışı zamanı təhlükəsizlik qüvvələrinin 5 üzvü ölüb


Pakistan ordusunun bildirdiyinə görə, Pakistanın şimal-qərbində, Əfqanıstanla sərhəddə baş verən bomba partlayışı zamanı təhlükəsizlik qüvvələrinin 5 üzvü ölüb.

Hərbi Qüvvələrin verdiyi açıqlamada çərşənbə günü Bacaur rayonunda üç əsgər və iki polis işçisinin "axtarış əməliyyatı" keçirərkən əldəqayırma partlayıcı qurğunun işə düşdüyü bildirilib.

Partlayışın məsuliyyətini öz üzərinə götürən olmasa da, şübhələr dərhal Pakistanın Talibanı kimi tanınan Tehrik-i-Taliban Pakistan-nın (TTP) üzərinə düşüb.

Pakistanın Bacaur və ətraf sərhəd bölgələri son illərə qədər qadağan edilmiş silahlı qruplaşmanın istehkamı olub.

Amerika Birləşmiş Ştatları və Birləşmiş Millətlər Təşkilatı tərəfindən qlobal terror təşkilatı kimi tanınan Tehrik-i-Taliban Pakistan (TTP) qrupu 2007-ci ildə ortaya çıxandan bəri minlərlə pakistanlının ölümünə səbəb olan bomba və digər hücumların məsuliyyətini öz üzərinə götürüb.

Pakistan ordusunun TTP-nin bazalarına qarşı davamlı hərbi əməliyyatları zamanı minlərlə döyüşçü ölüb, çoxları isə sərhəddən Əfqanıstan tərəfə keçməyə məcbur olub. Hərbi əməliyyatlar son bir neçə ildə Pakistan daxilində baş verən terror hücumlarının 80%-dən çox azalmasına səbəb olub.

Pakistan rəsmiləri TTP-nin bu ilin əvvəlindən hücumlarını artırdığını və əksəriyyəti təhlükəsizlik qüvvələri olmaqla, çox sayda insanın öldürüldüyünü bildirib.

Silahlı qrupun Əfqanıstandakı Talibanla sıx əlaqəsi olduğu və Əfqanıstanda Qərbin dəstəklədiyi hökuməti devirmək üçün ABŞ-ın rəhbərlik etdiyi beynəlxalq qüvvələrə qarşı 20 il davam edən üsyanlarda ona yardım etdiyi deyilir.

Dünyaya Baxış

Dünyaya Baxış. Vyanada İranla nüvə sazişi üzrə danışıqlar bərpa olunub
please wait

No media source currently available

0:00 0:11:33 0:00

Amerika İcmalı

Amerika İcmalı - 26 Noyabr 2021
please wait

No media source currently available

0:00 0:30:16 0:00
XS
SM
MD
LG