Ümumdünya Səhiyyə Təşkilatı son bir neçə gündə ölkədə koronavirus yoluxmasının sayı artdığına görə Pakistanı yenidən karantin tətbiq etməyə çağırıb.
Ümumdünya Səhiyyə Təşkilatının nümayəndəsi Palita Mahipala Pakistanın ən böyük əyaləti olan Pəncabdakı səhiyyə orqanına göndərdiyi məktubda fasiləsiz olaraq iki həftə təcridə çağırıb və gündəlik testlərin sayını 50 000-ə qədər artırmağı tövsiyə edib.
Müsəlmanların çoxluq təşkil etdiyi ölkədə təkcə çərşənbə axşamı 105 ölüm halı daxil olmaqla, bu günə qədər COVID-19-dan 2100-dən çox ölüm, 113 702 yoluxma halının qeydə alındığı bildirilib.
Mahipala bir neçə əyalətdə təsdiqlənmiş yoluxma hallarının sayının may ayının əvvəlindən, karantin məhdudiyyətlərinə başlanandan bəri xeyli artdığını deyib.
Baş nazir İmran Xan xüsusən yoxsullar olmaqla, karantinin iqtisadiyyata dağıdıcı təsir göstərəcəyini iddia edərək, digər ölkələrdə olduğu kimi sərt ümummilli təcrid tətbiq etməkdən imtina edib.
