Artıq üçüncü gündür ki, ölkənin şimal-qərbindəki yaraqlıları hədəf alan Pakistan qüvvələri hava hücumu nəticəsində 9 yaraqlını öldürdüklərini bildiriblər. Bu gün hərbi vertolyotlar Orakzay ucqar regionunda yaraqlıların istehkamlarına hücum ediblər. Taliban yaraqlılarının Cənubi Vəziristandakı hərbi əməliyyatlardan qaçaraq bu istehkamda gizləndiyi ehtimal edilirdi. Pakistan ordusu Taliban yaraqlılarını ələ keçirmək üçün Orakzayda hərbi əməliyyata başlayıb. Bu günə qədər 100-ə yaxın militantın öldürüldüyü bildirilib. Dünən Orakzayda yaraqlıların hərbi yoxlanış məntəqəsinə hücumu zamanı 5 əsgər həlak olmuşdu. Əsgərlərin əks hücumu isə ən azı 32 yaraqlının həyatına son qoymuşdu.
Bugünkü hücumlar zamanı 9 yaraqlının öldürüldüyü bildirilir