Cümə axşamı Pakistanın cənub-şərqində İslam militantları tərəfindən həyata keçirilən hücum zamanı 4 polis öldürülüb.
Baluçistan vilayəti hökümətinin sözçüsü bildirib ki, polislər vilayətin paytaxtında gündəlik patrul keçirdikləri zaman militantlar onların maşınına dəfələrlə atəş açdıqdan sonra hadisə yerindən qaçıblar.
Pakistan Talibanın bir hissəsi olan Camaatul Əhrar qruplaşması hücuma görə məsuliyyəti öz üzərinə götürüb.
Bir neçə gün öncə Birləşmiş Millətlər Təşkilatı Camaatul Əhrar qruplaşmasını qlobal terror təşkilatı adlandırıb və qruplaşmanın Əfqanıstanın şərqində, Nanqahar vilayətindən idarə edildiyini bildirib.
Bu, həftə ərzində Baluçistanda polisləri hədəfə alan ikinci hücumdur.
Əfqanıstanla sərhəddə yerləşən Çaman şəhərində intiharçı hücum zamanı polis rəisi və iki polis əməkdaşı həlak olub. Həmin hücuma görə məsuliyyəti Pakistan Talibanı üzərinə götürmüşdü.
