Pakistanda polis rəsmisinin evi önündə partlayış olub

Pakistanın Kəraçi şəhərində intiharçı hücumçu yüksək rütbəli polis rəsmisinin evinin həyətində maşında yerləşdirilmiş partlayıcı qurğunu işə salaraq azı 8 nəfərin həyatına son qoyub. Bu gün baş vermiş hadisəyə görə məsuliyyəti Taliban öz üzərinə götürüb. Partlayış nəticəsində polis rəsmisinin evi önündə qarovul çəkən altı polis zabiti, habelə bir qadın və bir uşaq həlak olub. Partlayışın əsas hədəfi olan Baş Sərəncamçı polis Çadri Aslam sağ qalıb. Aslam Karaçidə yaraqlı qrupların fəaliyyətini araşdıran anti-terror bölməsinin rəhbəridir.