BMT Pakistanda təbii fəlakətin təsirinə məruz qalan 14 milyon insana yadım məqsədi ilə 460 milyon dollar təcili yardım göndəriləcəyini bildirib. Dünya təşkilatı bu yardımın BMT-nin agentlikləri və qeyri-hökumət təşkilatları tərəfindən, təcili olaraq Pakistan hökumətinə çatdırılacağını deyir. BMT bazar ertəsi beynəlxalq donorların Pakistana 129 milyon dollar göndərəcəklərinə söz verdiklərini bildirib. Təşkilat Xeybər-Paxtunxava, Pəncab və Sind vilayətlərində təbii fəlakətdən zərər çəkən 6-7 milyon insana təcili olaraq ərzaq, su, tibbi təchizat göndəriləcəyini xəbər verib.