Pakistanın şimal-qərbində polis məntəqəsinin həyətində baş verən intiharçı hüçum nəticəsində beş nəfərin həlak olduğu və 25 adamın yaralandığı bildirilir. Rəsmilər əfqan sərhədində yerləşən Pakistanın Hanqu mahalında bugünkü partlayışın bir polis zabiti və dörd mülki vətəndaşı öldürdüyünü bildiriblər. Partlayış polis məntəqəsinin bir hissəsini dağıdıb və ətrafda yerləşən bir neçə evə zərər vurub. Hadisəyə görə məsuliyyəti heç kim öz üzərinə götürməyib.
Dünən polis raket hücumunun və partlayışların Pakistanın qərb ərazilərində beş nəfəri öldürdüyünü bildirib.