Keçən həftə Paris terror hücumundə qətlə yetirilən 3 fransız polis zabitinin ailə üzvləri bə həmkarları bu gün onları son mənzilə yola salıb.
Fransa prezidenti Fransua Oland bu gün ölümündən sonra Şərəf Legionu ordeninə layiq görülən 3 zabitlə vida mərasimində iştirak edərək onların qəhrəmanlıqlarını yüksək qiymətləndirib.
"Onların sayəsində azadlıq vəhşilik üzərində qalib gəlib" - deyə Fransa prezidenti bildirib.
Fransa ilə yanaşı bu gün Qüdsdə də keçən həftə terror qurbanı olan 4 yəhudinin dəfn mərasimi keçirilib.
Hadisədən sonra bu gün ilk dəfə toplaşan Fransa Milli Şurası da növbədənkənar sessiyasında Paris terrorunun 17 qurbanını 1 dəqiqəlik sükutla yad edib.