Accessibility links

Pfizer-in dediyinə görə COVID-19-a qarşı Paxlovid adlı həbi xəstəlik riskini 89% azaltdır


ABŞ-ın Pfizer əczaçılıq şirkətinin cümə günü bildirdiyinə görə, yeni COVID-19 həbinin klinik sınaqlarda COVID xəstələrinin xəstəxanaya yerləşdirmə və ya ölüm riskini 89% azaltdığını göstərib. Şirkət bu dərmanın təcili istifadəsini təsdiqləmək üçün ABŞ-ın dərman tənzimləyici orqanlarına təqdim etməyi planlaşdırır.

Cümə günü açıqlamasında Pfizer Paxlovid adlı həbinin ara verməklə keçirilən sınaqlarında yüksək riskli bəzi yetkin yaşlı COVID-19 xəstələrinin xəstəxanaya yerləşdirilməsinin qarşısını aldığını bildirib.

Şirkətin bildirdiyinə görə, anti-viral preparatın təhlilləri simptomların başlanmasından sonra, üç gün ərzində müalicə alan xəstələrdə plasebo ilə müqayisədə 89% azalma göstərib.

Pfizer deyib ki, monitorinq komitəsi son nəticələrdə əldə edilən yüksək effektivliyə görə həbin 3-cü fazasının sınağına ehtiyac olmadığını bildirib.

Şirkət fövqəladə hallarda istifadə edilə bilməsi üçün həblə bağlı məlumatları ən qısa zamanda Ərzaq və Dərman Administrasiyasına (FDA) təqdim etməyi planlaşdırır.

Pfizer indi COVID-19 üçün həblə müalicəyə hazırlaşan ikinci dərman istehsalçısıdır. ABŞ-ın Merck şirkəti keçən ay özünün COVID-19 həbini təqdim edib və klinik sınaqlar bu həbin COVID-19 səbəbilə xəstəxanaya yerləşdirmə və ölüm hallarını 50% azaltdığını göstərib. Həb Ərzaq və Dərman Administrasiyasına təqdim edilib və federal agentliyin bu ayın sonunda qərar verməsi gözlənilir.

Avropa İttifaqı və digər ölkələrin tənzimləyiciləri də tezliklə bu dərmanı nəzərdən keçirəcəklərini bildirib.

Ərzaq və Dərman Administrasiyası həbdən təcili istifadə üçün tələbi təsdiq etsə, bu dərman ilin sonuna qədər ABŞ-da tətbiq edilə bilər.

Şərhlərə bax

Dünyaya Baxış

Dünyaya Baxış. Vyanada İranla nüvə sazişi üzrə danışıqlar bərpa olunub
please wait

No media source currently available

0:00 0:11:33 0:00

Amerika İcmalı

Amerika İcmalı - 26 Noyabr 2021
please wait

No media source currently available

0:00 0:30:16 0:00
XS
SM
MD
LG