Accessibility links

ABŞ Seçkiləri 2020

Prezidentliyə namizədlərin ilk debatı sentyabrın 29-da baş tutacaq

Tramp-Bayden

ABŞ-da prezidentliyinə namizədlərin nominasiya edildiyi qurultaylar bitəndən sonra kampaniyaların təqvimindəki növbəti mühim tarix prezidentlik yarışının ilk debatının keçiriləcəyi 29 sentyabrdır.

Respublikaçı prezident Donald Tramp və onun Demokrat Partiyasından rəqibi, keçmiş vitse-prezident Co Bayden qurultaylardan bir həftə sonra seçkilərdə qalib gəlmək üçün ABŞ-ın olduqca əhəmiyyətli olan Viskonsin, Pensilvaniya, Cənubi Karolina ştatlarında ilkin arqumentlərini açıqlayıblar.

"Düşünürəm ki, prezidentliyə iki namizəd arasında qızğın debat gözləyə biləcəyik. Namizədlərin hər ikisi mübarizdir" - deyə, Texas A&M Universitetinin Kommunikasiya üzrə professoru Cennifer Mersiyeka qeyd edib.

Mersiyeka deyib ki, Trampın debat üslubunun əlamətlərini onun "əks-zərbə" kimi təsvir etdiyi 2016-cı il kampaniyasında tapmaq mümkündür.

“O mütəmadi olaraq qarşı tərəfə hücumlardan istifadə edir, arqumentlərə qarşı deyil, şəxsə qarşı hücuma keçir. Və o, debat zamanı insanları məsxərəyə qoymaq və onlara qarşı bullinqdən çəkinmir. O bunu 2016-cı ildə etmişdi”, Marsiyeka deyib. O əlavə edib ki, Baydenin debatlarının tarixi onun öz mövqeyində dayanacağını göstərir.

“Düşünürəm ki, 2012-ci ildə vitse-prezident debatlarında stilinə görə Trampa bənzər olduğunu və Baydenin bir növ qarşı tərəfi məsxərəyə qoyduğunu görmüşdük. O, Pol Rayanın üzünə baxa-baxa gülürdü” - deyə, Mersiyeka bildirib.

2016-cı ildə o zaman prezidentliyə Respiblikaçı namizəd Donald Tramp və Demokrat namizəd Hillari Klinton arasında ilk debatları təxminən 84 milyon amerikalı izləmişdi. 2020-ci ildə seçkilərə yüksək maraq yeni rekorda səbəb ola bilər, lakin bunun seçicilərin mövqeyinə təsir göstərə bilib-bilməyəcəyi aydın deyil.

See all News Updates of the Day

"Sağ" və "sol" sözlərinin siyasi mənaları

"Sağ" və "sol" sözlərinin siyasi mənaları
please wait

No media source currently available

0:00 0:01:05 0:00

ABŞ-da Ali Məhkəməyə hakim necə seçilir?

ABŞ-da Ali Məhkəməyə hakim necə seçilir?
please wait

No media source currently available

0:00 0:01:20 0:00

ABŞ-da siyasi partiyalara dəstək

ABŞ-da siyasi partiyalara dəstək
please wait

No media source currently available

0:00 0:01:36 0:00

Qırmızı və mavi ştatlar

Qırmızı və mavi ştatlar
please wait

No media source currently available

0:00 0:01:11 0:00

ABŞ seçki debatlarında moderatorların rolu

ABŞ seçki debatlarında moderatorların rolu
please wait

No media source currently available

0:00 0:03:36 0:00

Birləşmiş Ştatlarda siyasi təqvimdə növbəti mühüm gün prezident Donald Tramp və onun demokrat rəqibi Co Bayden arasında üç debatdan birincisinin keçiriləcəyi 29 sentyabrdır. Amma prezidentliyə namizədlər debatlarda podiumda tək olmur, müzakirələr moderator tərəfindən aparılır. Debat zamanı moderator aparıcı rol oynayır və demək olar həmişə diqqət mərkəzindədir.

Debat zamanı adətən diqqət mərkəzində namizədlər olsa da, podiumda nəyin nə zaman deyildiyi haqda fikir söyləyən üçüncü şəxs var.

Debatlardakı moderator təkcə sual verməklə kifayətlənmir.

Con Kox, Vanderbilt Universiteti: “Fikrimcə, moderatorun ən mühüm işi diqqətlə izləməkdir. Onlar cavab verəndə, ya da mübahisə yarananda davam etmək üçün lazım olan sonrakı sualları verməkdir.”

Tanınmış jurnalistlər hər iki partiyanın təmsil olunduğu Prezidentlərin Debatlarına dair Komissiya tərəfindən debatlarda moderator seçilir.

İctimai Yayım kanalının mərhum aparıcısı Cim Lehrer ən çox sayda – 12 debata moderatorluq etmişdi.

Virciniya Universitetinin Miller Mərkəzinin baş elmi işçisi Meri Keyt Keri Cim Lehrerin moderatorluq etdiyi debatlar haqda seminarda iştirak edib.

“O deyirdi ki, əgər uzun və mürəkkəb sual verirsinizsə, o zaman uzun və mürəkkəb cavab alacaqsınız. O bu kimi suallar verməyi sevirdi, məsələn, yaxşı sövdə sizin nə deməkdir, ya da siz bununla razısınızmı? Belə suallar.”

Kerinin sözlərinə görə, Lehrer debatdan öncə qaydalarını necə qoyacağını izah etmək üçün namizədlərlə görüşürdü. O həmçinin dəstək almaq üçün auditoriyaya da qaydaları izah edirdi.

Meri Keyt Keri, Virciniya Universiteti: “Əgər namizədlərdən biri qaydaları pozurdusa, ya çox danışaraq, o birinin danışmasına imkan vermirdisə və ya mane olurdusa, auditoriya qaydaları bildiyi üçün bu adamı qeyd etməyə başlayırdı. Və bu moderatorun işini asanlaşdırırdı və o, `bağışlayın, bu, qaydaların pozulmasıdır, keçirik o biri namizədlərə” deyə bilirdi.”

Namizədlərdən biri yanlış bir şey söyləsə, o zaman nə baş verir?

Meri Keyt Keri, Virciniya Universiteti: “O hesab etmirdi ki, moderatorun vəzifəsi faktların araşdırılmasından ibarətdir. Onun fikrincə, moderator belə deyə bilərdi: Mən sizə aydınlaşdırmaq üçün imkan vermək istərdim.”

Cennifer Mersiye, Texas A&M Universiteti: “2012-c ildə Kendi Krouli ilə bağlı mübahisələr oldu. O, debat zamanı Romninin faktlarını yoxladı.”

Romni:”Mən bunun protokol üçün əlavə olunmasına əmin olmaq istəyirəm, çünki prezidentə Benqazidəki hücumu terror aktı adlandırması üçün 14 gün lazım oldu.”

Kendi Krouli: "İcazə versəniz, mən deyə bilərdim, o, əslində terror aktı deyib."

Obama: "Kendi, bunu bir qədər ucadan deyə bilərsinizmi?"

“Namizədlər arasında gərgin debat gedirdi və o, müzakirələri davam etdirmək üçün müdaxilə etdi. Bildiyiniz kimi, bunu etdiyinə görə sağ cinahda böyük məsələ qalxdı”, Texas A&M Universitetindən Cennifer Mersiye bildirir.

2020-ci il prezidentliyə namizədlər arasında debatlarda moderatorlar artıq müəyyən edilib.

FOX News tele kanalının jurnalisti Kris Vallas sentyabrın 29-da keçiriləcək ilk debatların moderatoru olacaq. O, 2016-cı ildə də moderator olub.

C-SPAN ictimai tele kanalın prodüseri və aparıcısı Stiv Skalli ikinci debata moderatorluq edərək.

Üçüncü debatın moderatoru NBC News tele kanalının Ağ Evdəki müxbiri Kristen Velker olacaq.

Vitse-prezidentliyə namizədlərin yeganı debatına isə USA Today qəzetinin Vaşinqtonun bürosunun rəhbəri Süzan Peyc moderatorluq edəcək.

Meri Keyt Keri 12 dəfə moderatorluq etmiş Cim Lehrerin məsləhətini yada salır: debatın mərkəzi fiquru olmaqdan çəkinin.

“Mənim həmişə xatırladığım sitat budur:`əgər kimsə məndən, moderatordan sitat gətirirsə, deməli mən uğursuz olmuşam”, Meri Keyt Keri bildirir.

Debatlarda moderatorlar

KRİS VALLAS

FOX News telekanalının jurnalisti

2016-cı il debatında moderator

Trampla iyul ayında müsahibə aparıb

STİV SKALLİ

C-SPAN kanalı – baş prodüser, redaktor

Siyasi tokşouların aparıcısı

2016-cı ildə ehtiyat üçün moderator seçilib

KRİSTEN VELKER

NBC telekanalının Ağ Ev müxbiri

NBC həftəsonu proqramının aparıcısı

Demokratların praymerisində moderator olub

SÜZAN PEYC

USA Today Vaşinqtonun bürosunun rəhbəri

Prezident seçki kampaniyasında 10 debatda moderator

Nensi Pelosi və Barbara Buş haqda kitabların müəllifi

Daha çox yüklə

XS
SM
MD
LG