İtaliyalı prokurorlar baş nazir Silvio Berluskoninin dərhal məhkəmə qarşısına çıxarılmasını tələb edirlər. Cənab Berluskoni 17 yaşlı qıza seks əvəzində pul ödəməkdə və öz səlahiyyətlərindən sui istifadə edərək məsələni ört-basdır etməkdə ittiham olunur. İndi hakim Milan məhkəməsi qarşısında qaldırılan vəsasəti qəbul edib-etməməyə qərar verməlidir. Prokurorlar iddia edirlər ki, 74 yaşlı Berluskoni bir sıra gənc qadınla, o cümlədən 17 yaşlı mərakeşli rəqqasə ilə cinsi əlaqədə olmaq üçün pul ödəyib. Baş nazir təqsirkar olmadığını deyir.
Prokurorlar Silvio Berluskoninin məhkəməyə çıxarılmasını tələb edirlər
!["Yaqut" ləqəbli mərakeşli rəqqasə](https://gdb.voanews.com/3b607d91-1789-4598-b14b-a3f7920b13e8_w250_r1_s.jpg)