Accessibility links

Qırğızıstanda etirazçılar hökumət binasını ələ keçirib


Yerli xəbər saytları `Akipress` və `24.kg`ın verdiyi məlumata görə, Qırğızıstanda keçirilən parlament seçkilərinin nəticələrinə etiraz edən insanlar çərşənbə axşamı yanğınların başladığı və müxalifətin paytaxtın nəzarətini əlinə almağa çalışdığı zaman hökumət və təhlükəsizlik xidmətinin qərargahlarına daxil olub.

Minlərlə insan tərəfindən etirazlar bazar günü seçkilərindən sonra başlayıb.

Etirazçılar daha sonra Dövlət Milli Təhlükəsizlik Komitəsinin qərargahına daxil olaraq, korrupsiya ittihamı ilə uzun müddət həbs cəzasına məhkum edilən sabiq prezident Almazbek Atambayevi azad ediblər.

Qırğızıstanın keçmiş prezidenti və SPDK sədri Almazbek Atambayev keçən ilin yayında korrupsiya ittihamı ilə 11 il həbs cəzasına məhkum edilib.

Nümayiş bazar ertəsi gecə polis tərəfindən dağıdılsa da, etirazçılar bir neçə saatdan sonra paytaxt Bişkekin mərkəzi meydanına qayıdaraq, həm prezidentin ofisi, həm də parlamentin yerləşdiyi binaya girə bilib. Yerlilərin Ağ Ev adlandırdığı binada çərşənbə axşamı səhər yanğın baş verib.

Prezident Sooronbay Jeenbekov bazar ertəsi deyib ki, seçkilərdə iştirak edən bütün partiyaların liderləri ilə çərşənbə axşamı görüşəcək. Bu arada nə qədər real səlahiyyətə sahib olmaları aydın olmasa da, müxalifət qrupları milli təhlükəsizlik rəhbərinin vəzifələrini icra edən öz nümayəndələri və Bişkekə komendant təyin edib.

Rusiyanın yaxın müttəfiqi, 6,5 milyon əhalisi olan Orta Asiya ölkəsi siyasi qeyri-sabitlik tarixinə malikdir. Son 15 ildə ölkənin iki prezidenti üsyanlar nəticəsində hakimiyyətdən devrilib.

Şərhlərə bax

XS
SM
MD
LG