Paytaxtda güclü qar yağması Bakı Beynəlxalq Hava Limanında təyyarələrin qalxmasında və enməsində gecikmələrə səbəb olmayıb. Bu barədə AZAL dövlət şirkətinin mətbuat xidməti bildirib.
“Bütün reyslər cədvələ uyğun şəkildə yerinə yetirilir, hava limanının xidmətləri ştat rejimində işləyir”, deyəmətbuat xidməti qeyd edib.
Bu arada, Bakıda intensiv qar yağması və şimal küləyi səngimir. Gecə ərzində yağan qar paytaxtda 23 sm-lik qar örtüyü əmələ gətirib.
![Bakıda qar yağır [Video & Foroqalereya]](https://gdb.voanews.com/b8ab8116-7846-4fdd-af97-f3aab149addf_tv_w250_r1.jpg "Bakıda qar yağır [Video & Foroqalereya]")
Böyük Qafqaz dağlarında ən çox Qax rayonuna qar yağıb - 69 sm. Talış dağlarında qar örtüyünün hündürlüyü 32 sm təşkil edir. Kiçik Qafqazda Dağlıq Qarabağın Ağdərə rayonunda qar örtüyünün hündürlüyü 70 sm, Naxçıvanda 38 sm təşkil edib.
Mərkəzi aran bölgəsində qar örtüyü 23 sm-dən 2 sm-dək təşkil edib
Fevralın 1-də havanın temperaturu gecə və gündüz -1 -3 dərəcə şaxta təşkil edəcək. Aran rayonlarında 0-2 dərəcə isti olacaq. Dağlarda -12 -17 dərəcə, Naxçıvanda -7 -16 dərəcə şaxta olacaq.
Bakıda qar yağır
