ABŞ meteoroloqların verdiyi məlumata görə, Qordon tropik qasırğası quruya keçməzdən öncə çərşənbə axşamı Meksika körfəzi sahilləri boyunca daha da güclənəcək.
Luiziana, Missisipi və Alabama ştatlarının sahil bölgələri üçün qasırğa xəbərdarlığı verilib.
ABŞ-ın Milli Qasırğa Mərkəzi bildirib ki, leysan yağışlar və güclü küləklə müşaiyət olacaq Qordon qasırğası çərşənbə günü quruda irəlilədikcə öz gücünü itirəcək.
Florida Ki adaları yaxınlığında Qordon qasırğasının səbəb olduğu leysan yağışlar Birləşmiş Ştatlarda Əmək Günü kimi qeyd edilən bazar ertəsi günü sörf etmək istəyən turistlərin arzusunu ürəyində qoyub.
Mərkəz bildirib ki, getdikcə güclənməkdə olan qasırğa çərşənbə axşamı ölkənin cənubundakı bəzi ərazilərə 5-10 sm arası yağış gətirəcək.
Milli Qasırğa Mərkəzi həmçinin, Luiziyana ştatının sahillərindən tutmuş Hyustona qədər geniş ərazidə daşqınlar barədə xəbərdarlıq edib.
