Qırğızıstanın prezident seçkilərində iştirak edəcək 83 namizəd qeydiyyatdan keçib

Qırğızıstanın Mərkəzi Seçki Komissiyası prezident seçkilərində iştirak edəcək 83 namizədin qeydiyyatdan keçdiyini bildirib. Onların 16-sı siyasi partiyalardan nominasiya edilib, qalan 67 nəfər isə müstəqil namizıd kimi irəli sürülüb. Namizədlər 3000 imza toplamalı, 2000 dollar məbləğində pul keçirməli və sentyabr ayının 25-dək qırğız dilindən imtahan verməlidir. Qabaqcıl namizdlər baş nazir, Sosial Demokrat partiyasının sədri Almazbek Atambayev və millətçi Ata Jurt partiyasının sədri Kamçubek Taşiyevdir. Prezident seçkiləri oktyabrın 30-da keçiriləcək.