İranın dövlət mediasının bildirdiyinə görə, ölkənin hərbi qüvvələri havadan müdafiə qurğularını sınaqdan keçirməyə başlamışlar. 5 gün davam edəcək təlimlər zamanı uzaq-məsafəli raketlərin də sınaqdan keçiriləcəyi bildirilir. Hərbçilər təlimlər zamanı 3 000 kilometr məsafəni əhatə edən radar sisteminin də sınaqdan keçiriləcəyini deyirlər. İranda ildə bir neçə dəfə hərbi təlimlər keçirilir ki, burada əsasən yeni hərbi sistemlər sınaqdan keçirilir.