BMT-nin yeni təyin olunmuş təhqiqatçısı İranın insan haqlarının pozulması ilə bağlı araşdırmalarda əməkdaşlıq göstərməsi çağırışını təkrar edib. Xüsusi məruzəçi Əhməd Şahid bu gün Tehrana müraciət edərək, İrana səfər etməsinə icazə istəyib. Cənab Şahid bəyanatında ümid etdiyini bildirib ki, İran BMT mandatının legitimliyini qəbul edəcək və beynəlxalq öhdəliklərinə riayət edəcək.
BMT-nin İnsan Haqları Şurası İranda insan haqlarının pozulması və yüzlərlə siyasi məhbusun taleyi ilə bağl təhqiqatlar aparılması üçün mart ayında səsvermə yolu ilə xüsusi nümayəndə təyin edib.
.
