İrana qeyri-qanuni silah və hərbi ehtiyat hissəsi satışına görə ittiham edilən tayvanlı biznesmenin məhkəmə işi başlayıb

Bu gün Florida ştatının Mayami şəhər məhkəməsində İrana qeyri-qanuni silah və hərbi ehtiyat hissəsi satışına görə ittiham edilən tayvanlı biznesmenin məhkəmə işi başlayıb. Yi Lan Çen may ayında Amerikanın İrana qarşı embarqosunu pozduğunu etiraf etmişdi. ABŞ rəsmiləri onun korporasiyasının Honq Konq və Tayvan adı altında malları İrana göndərdiyini deyir. Çeni 20 illik həbs cəzası və 1 milyon dollarlıq cərimə gözləyir. Onun şirkəti də bir milyon cərimə ödəməlidir.