İranda həbsdə olan səyahətçi Coş Fattalın ad günü münasibəti ilə onun tərəfdarları bir günlük aclıq keçirir. Beləliklə onlar keçən ay aclıq elan edən analara dəstək nümayiş etdirir. Bu gün Fattalın 29 yaşı tamam olur. O və 28 yaşlı digər amerikalı Şeyn Bauer artıq iki ildir ki, İranda həbsdədir. Bauerin nişanlısı Sara Şourd keçən il azad edilmişdi. Onların məhkəməsi keçən ay keçirilsə də, müttəhimlər məhkəmə qarşısına çıxarılmayıb. Onların ailələrinə heç bir izahat verilməyib.
