Accessibility links

"ReAL Partiyasının qeydiyyatı üçün müraciət edəcəyik"


ReAL partiyasının sədri İlqar Məmmədov Ədalət Vəliyevlə görüşü zamanı partiyanın qeydiyyat məsələsi haqqında danışdığını deyir.

İyulun 1-də Prezident Administrasiyasının siyasi partiyalar və qanunverici orqanla iş üzrə şöbəsinin müdiri Ədalət Vəliyev ReAL Partiyasının sədri İlqar Məmmədovla görüşüb.

Görüş haqda partiya sədri "Facebook” səhifəsində məlumat yayıb.

İctimai-siyasi əhəmiyyət daşıyan məsələlərə dair faydalı fikir mübadiləsi etdiyini yazan partiya sədri bildirib ki, görüşdə prezident İlham Əliyevin siyasi dialoq təşəbbüsünün vacibliyini bir daha qeyd ediblər:

"Ayrıca, Respublikaçı Alternativ Partiyasının qeydiyyatla bağlı üzləşdiyi çətinliyi diqqətə çatdırdım. Cənab Vəliyev bildirdi ki, pandemiya şəraiti səbəbilə təsis qurultayının adi qaydada keçirilməsi mümkün olmadığı dövrdə videokonfrans rejimində keçirilən təsis qurultayını da dövlət qeydiyyat üçün əsas kimi götürə bilər. Beləlikə, ReAL Partiyasının təsis qurultayını videokonfrans rejimində keçirib tezliklə qeydiyyat üçün müraciət edəcəyik”.

Bənzər görüş fevralın 29-da da baş tutub. O zaman İlqar Məmmədov Ədalət Vəliyevlə "Respublika” qonaq evinin konfrans zalında görüşmüşdü.

Ədalət Vəliyev Xalq Partiyasının, Azad Demokrat Partiyasının və digər təşkilatların sədrləri ilə görüşüb.

Yalnız AXCP və Müsavat partiyaları görüşdən imtina edib. Hər iki partiya sədrləri ölkədə siyasi məhbusların azad olunmasını, islahatların aparılmasının görüşün müzakirə mövzusu ola biləcəyi təqdirdə Ədalət Vəliyevlə görüşəcəklərini bildiriblər.

Dünyaya Baxış

Dünyaya Baxış. Qadın hüquqları fəalı azyaşlının zorlanmasına etiraz edib
please wait

No media source currently available

0:00 0:10:01 0:00

Amerika İcmalı

Amerika İcmalı - 15 Oktyabr, 2021
please wait

No media source currently available

0:00 0:29:08 0:00
XS
SM
MD
LG