Roma Papası ilə birlikdə dua etmək indi daha asan oldu. Keçən bazar günü Papa Fransis Vatikanda Müqəddəs Pyotr meydanında toplaşan inanclıların qarşısında çıxış edərkən, Click to Pray adlı yeni ödənişsiz mobil əlavəni təqdim edib.
Roma Papası Fransis: “İnternet və sosial şəbəkələrə bizim dövrümüzün resursları, bir-birimizlə əlaqə saxlamaq, dəyərlərimiz və təşəbbüslərimizi paylaşmaq, cəmiyyətin bir hissəsi olmaq istəyimizi bildirmək imkanıdır. Eyni zamanda, İnternet bizə birlikdə dua etməyə yardım edir.”
Bu tətbiqetmə asanlıqla iOS və Android cihazlarına yüklənilə bilər. Mobil əlavənin 3 əsas hissəsi var. İlk hissə “Papa ilə dua et” adlanır. Burada Papa Fransis hər ay Allahdan nə xahiş etdiyini dərc edir. Misal olaraq, bütün dünyada sülhün təmin edilməsi və ya təbii fəlakətlərdən müdafiə. Pontifikə bu duada qoşulmaq istəyənlər bunu bir düyməyi vuraraq edə bilərlər.
Mobil əlavənin ikinci hissəsi “hər gün dua et” adlanır. Bu xüsusiyyət inanclılara səhər, gündüz və axşam dua vaxtlarını xatırladır. Sonuncu hissə isə “sosial şəbəkə ilə birlikdə dua et” adlanır. Bu hissədə isə inanclılar tanrıya müraciətlərini bir-biri ilə paylaşa bilərlər.
Click to pray 22-27 yanvar tarixlərində Panamada keçiriləcək Ümumdünya Gənclər Günü tədbirlərinin rəsmi dua tətbiqedilməsi elan edilib.