Oktyabrın 2-də Roma Papası Fransisk Azərbaycana səfər edəcək. O, Bakıya Tbilisidən gələcək. Tbilisidə sentyabrın 30-da olacaq. Bu barədə Vatikanın mətbuat xidməti məlumat yayıb.
Proqrama görə, oktyabrın 2-də Papa müqəddəs Məryəm kilsəsində messa keçirəcək.
Sonra pontifik Azərbaycan prezidenti, müsəlman, pravoslav və yəhudi icmalarının liderləri ilə görüşəcək.
Bundan öncə Papa bildirib ki, bu torpaqlarda qədim xristian köklərinin mövcudluğu, eləcə də dünyada sülh axtarışının təşviqi məqsədilə həmin ölkələrə səfər dəvətini qəbul edib.
