Accessibility links

Almaniya, İsveç və Polşa Rusiya diplomatlarını ölkələrindən çıxarır


Almaniya, İsveç və Polşa diplomatlarının Rusiya Federasiyasından çıxarılmasına cavab olaraq hər ölkədən bir Rusiya diplomatının çıxarılacağını bildirib. Hər üç ölkənin Xarici İşlər Nazirlikləri qərarlarını demək olar ki, eyni vaxtda açıqlayıb.

Rusiyanın Xarici İşlər Nazirliyi fevralın 5-də Sankt-Peterburqdakı İsveç və Polşa Baş Konsulluqları işçiləri ilə birlikdə Almaniyanın Moskvadakı səfirliyinin bir işçisinin də ölkəni tərk etməsini tələb edib. Nazirlikdən verilən məlumata görə, həmin şəxslər yanvarın 23-də Aleksey Navalnıya dəstək aksiyasında iştirak edib.

Almaniya Xarici İşlər Nazirliyinin sözçüsü Moskvanın Avropa diplomatlarını qovma qərarını əsassız adlandırıb. Nazirlik müdaxilə etməkdə günahlandırılan səfirlik əməkdaşının vəzifəsini Vyana Konvensiyasına uyğun olaraq rəsmi şəkildə yerinə yetirdiyini bildirib.

İsveçin Xarici İşlər Nazirliyi Rusiyanın Stokholmdakı səfirliyinin əməkdaşını "persona non grata" elan edib.

"Səfirlik rəsmisindən İsveçdən çıxması istənildiyini Rusiya səfirinə bildirdik." Bu, işini görən İsveç diplomatının qovulmasına dair qəbuledilməz qərara açıq bir cavabdır" - deyə, Xarici İşlər Naziri An Linde Twitter səhifəsində bildirib.

Polşa Xarici İşlər Nazirliyi də qarşılıqlı əlaqə prinsipinə uyğun olaraq, Rusiyanın Poznandakı Baş Konsulluğunun bir əməkdaşına "persona non qrata" elan edib. Nazirlik Polşanın Sankt-Peterburq şəhərindəki Baş Konsulluğunda çalışan diplomatın ölkədən çıxarılmasını əsassız adlandırıb.

Smolenskaya Meydanında rus diplomatların qovulması "dost olmayan addım" və daxili işlərə müdaxilə adlandırılıb. Bunu Rusiya Xarici İşlər Nazirliyinin nümayəndəsi Mariya Zakharova"Russiya 1 " telekanalında efirində deyib.

Şərhlərə bax

XS
SM
MD
LG