Rusiya Ədliyyə Nazirliyi "Azadlıq Radiosu"nun jurnalisti də daxil olmaqla daha beş müxbiri "xarici media agentləri" siyahısına əlavə edib.
Rusiyanın "xarici agent" qanunvericiliyi 2012-ci ildə qəbul edilib və indiyə qədər dəfələrlə dəyişdirilib.
Qanuna əsasən, xaricdən yardım alan və hökumətin siyasi fəaliyyətlə məşğul olduğunu hesab etdiyi QHT-lər qeydiyyatdan keçməli, özlərini "xarici agent" kimi təqdim etməli və yoxlama aparılması üçün müraciət etməlidir.
Qanunda edilən sonrakı dəyişikliklərlə AzadlıqRadiosunun rus xidməti, digər altı Azadlıq Radiosunun rusdilli xəbər xidməti və Current Time da daxil olmaqla xaricdən maliyyələşdirildiyi iddia edilən media orqanı hədəfə alınıb. Azadlıq Radiosunun bir neçə müxbiri də siyahıya əlavə edilib.
Sonuncu elan edilən addıma əsasən Azadlıq Radiosunun rus xidməti və onunla əməkdaşlıq edən Tatyana Voltskaya, Yekaterina Klepikovskaya və Yelena Solovyova, eləcə də Current Time layihəsində işləyən Yelizaveta Surnaçeva, Yekaterina Klepikovskaya və Roman Perl xarici agent elan olunub.
Azadlıq Radiosunun prezidenti Ceymi Flay bu addımı Rusiyadakı azad mətbuata qarşı növbəti hücum olaraq xarakterizə edərək qınayıb və mətbuat orqanının rus auditoriyasına sadiqliyini bir daha təsdiqləyib.
“Kremlinin Azadlıq Radiosunda çalışan beş Rusiya vətəndaşını hədəf alması Rusiyadakı müstəqil medianı susdurmaq üçün edilən son cəhddir. Rusiya xalqının əldə edə biləcəyi və əlaqəyə girə biləcəyi məlumatlara nəzarət etmək üçün "xarici agent" qanununun bu absurd şəkildə istifadəsi ilə mübarizəyə davam edəcəyik "deyə Flay bildirib.
