Türkiyənin müdafiə naziri Hulusi Akarın cümə axşamı bildirdiyinə görə, Türkiyə Rusiya ilə Suriyanın şimalındakı Ras Əl-Ayn şəhərində ələ keçirdiyi və Suriya hökumət qüvvələrinin üzvü olduğu güman edilən 18-dən çox əsirlə bağlı danışıqlar aparır.
Türkiyənin Müdafiə Nazirliyi çərşənbə axşamı Türkiyənin hədəf aldığı Ras Əl- Ayn şəhəri yaxınlığında 18 nəfərin ələ keçirildiyini və məsələnin Rusiya rəsmiləri ilə razılaşdırıldığını xəbər vermişdi.
Çərşənbə axşamı eləcə də, Türkiyənin dəstəklədiyi Suriya üsyançıları Ras Əl-Ayn bölgəsindəkı Təl-Hava yaxınlığında Suriya ordusunun bir çox əsgərini həbs etdiyini bildirmişdi.
Moskva və Ankara Türkiyənin oktyabrın 9-da hücuma başladığı zaman ələ keçirdiyi ərazilərin nəzarətini saxlaması haqda razılıq əldə edib. Rusiya və Suriya hərbi qüvvələri isə sərhədin qalan hissəsinə nəzarət edəcək.
Rusiya və Türkiyə həmçinin sərhəd bölgəsinin Türkiyə tərəfindən ələ keçirilən ərazilərinin şərqində və qərbində olan hissələrinə birgə nəzarət etmək haqda razılıq əldə edib.
