Accessibility links

Rusiya Ukraynaya silah satışı ilə bağlı Türkiyəyə xəbərdarlıq edib


Ukraynanın Türkiyənin istehsal etdiyi pilotsuz təyyarə ilə Rusiyanın dəstəklədiyi üsyançılara hücumundan sonra Rusiya Türkiyəyə Ukraynaya silah satışı ilə bağlı xəbərdarlıq edib.

Kremlin sözçüsü Türkiyənin Ukraynaya davam edən silah satışının regionda sabitliyi pozmaq təhlükəsi yaratdığını deyib.

Xəbərdarlıq Kiyevin çərşənbə axşamı Ukraynanın şərqində Rusiya tərəfindən dəstəklənən separatçılara qarşı ilk dəfə olaraq Türkiyə istehsalı olan drondan istifadə etdiyini əks etdirən videonu yayimlamasından sonra edilib.

Müstəqil hərbi analitik Arda Mevlutoğlunun dediyinə görə, Kiyev 2014-cü ildən bəri mübarizə apardığı separatçılara qarşı Türkiyənin pilotsuz təyyarələrindən istifadəni oyunun potensial dəyişdiricisi kimi görür.

"Bir-iki bomba ilə təchiz edilmiş tək silahlı pilotsuz təyyarə bütöv bir müdafiə akumulyatorunu və ya çox bahalı elektron müharibə sistemini məhv edə, bəzi silahlı təchizatları sıradan çıxara bilər. Beləliklə, bu asimmetriya Ukrayna kimi əhəmiyyətli təhlükələrlə üzləşən ordulara böyük imkanlar verir" - deyə, Mevlutoğlu bildirib.

Kiyev Türkiyənin bir neçə pilotsuz uçuş aparatını alıb və bu ay Ukraynanın özündə bu sahədə inşaat aparmaq üçün razılıq əldə etdiyini bildirib.

Corc Marşal Fondunun analitiki Özgür Ünlühisarcıklının fikrincə, bu perspektiv Moskvanı həyəcanlandıracaq. Keçən il Azərbaycanın Dağlıq Qarabağ müharibəsində Ermənistan ordusu üzərində qələbəsində Türkiyə istehsalı pilotsuz təyyarələr əsas rol oynayıb.

“Türkiyənin Azərbaycana verdiyi pilotsuz təyyarələr döyüşdə həlledici amil olub və Rusiya bunu bilir” - deyə, Ünlühisarcıklı bildirib.

Analitiklərin fikrincə, Türkiyə Suriya və Liviyada pilotsuz uçuş aparatlarından uğurla istifadə edib.

Ankara, həmçinin Efiopiya və Mərakeşə satışları gözləndiyi bildirilən pilotsuz uçuş aparatlarından pul qazanmağa çalışır. Lakin analitik Möevlutoğlu Ukraynaya pilotsuz təyyarələrini satması Türkiyə üçün ciddi risk yaratdığı barədə xəbərdarlıq edib.

Dünyaya Baxış

Dünyaya Baxış. Vyanada İranla nüvə sazişi üzrə danışıqlar bərpa olunub
please wait

No media source currently available

0:00 0:11:33 0:00

Amerika İcmalı

Amerika İcmalı - 26 Noyabr 2021
please wait

No media source currently available

0:00 0:30:16 0:00
XS
SM
MD
LG