Çərşənbə günü Rusiya şirkətin qadağan edilmiş məzmunu silmədiyinə görə Twitter-dən istifadəyə məhdudiyyət qoyduğunu bildirib.
Roskomnadzor Twitter-in Rusiya qanunlarına uyğun işləmədiyi təqdirdə bu xidmətə qarşı əlavə tədbirlər görüləcəyini, lazım gələrsə tamamilə qadağa qoyacağını bəyan edib.
Agentliyin bildirdiyinə görə, Rusiyada mobil cihazlar və Twitter-ə başqa yollarla daxil olan istifadəçilər üçün bu xidmətin sürəti azaldılıb.
Twitter yeni məhdudiyyətlərə dərhal münasibət bildirməyib.
Bu, Rusiyada internetə nəzarəti sərtləşdirən son addımdır. Bundan əvvəl Dailymotion və LinkedIn də daxil olmaqla, bir sıra veb saytları qadağan edilmişdi.
