Rusiya Ukraynanın cənub-şərqində Dnipropetrovsk bölgəsinə bir neçə intiharçı dron hücumu edib. Nəticədə insanlar yaranalıb, mülki obyektlərə ziyan dəyib. Bu barədə şərqi Donetsk bölgəsi və cənubda şiddətli döyüşlər davam etdiyi bir vaxt, bölgənin hərbi administrasiyasının başçısı məlumat verib.
"İşğalçılar əraziyə kütləvi şəkildə kamikadze dronları ilə hücum edirlər. Bizim havadan hava hücumundan müdafiə qüvvələrimiz beş baraj sursatını məhv edib. Onlar, həmçinin Dnipro şəhərinə dronlarla hücum edib və logistika müəssisəini hədəf alıblar. Dörd işçi yaralanıb, onlardan üçün kritik vəziyyətdə xəstəxanadadır", qubernator Valentin Rezniçenko bildirib.
Rusiya qüvvələri, həmçinin bölgədəki Nikopol rayonunu "Qrad" raketləri və ağır artilleriya ilə bombalayıblar. Rezniçenko deyib ki, nəticədə özəl evlər, bir fabrik və elektrik xətti zədələnib, amma xəsarət alan olmayıb.
Rezniçenko deyib ki, yanğın 3000 kvadrat metr əraziyə yayılıb, amma onu söndürmək mümkün olub.
Rusiya qoşunları Dnipropetrovsk bölgəsini, xüsusən Nikopol, Krivorizki və Sinelnik rayonlarını müntəzəm olaraq müxtəlif növ silahlarla atəşə tutur.
Kyivdə Prezident Volodimir Zelenski söz verib ki, Ukrayna Donetskdə "tək bir bir santimetr torpağımızı təslim etməyəcək" və Donbas bölgəsində mövqe tutan Ukrayna qoşunlarına təşəkkür edib.
Sənaye bölgəsi olan Donetsk uğrunda gedən döyüşlərin episentri Baxmut, Soledar və Avdiyivka şəhərləri ətrafındadır.
"İşğalçıların fəaliyyəti son dərəcə yüksək səviyyədə qalır - hər gün onlarla hücum" , Zelenski noyabrın 8-də gecə etdiyi müraciətdə deyib.
"Onlar qeyri-adi dərəcədə böyük itki verirlər. Ancaq əmr eyni qalır: Donetsk bölgəsinin inzibati sərhədinə doğru irəliləmək. Biz torpağımızın bir santimetrini belə verməyəcəyik" , o deyib.
Donetsk Rusiyanın sentyabr ayında Kyiv və Qərb müttəfiqlərinin saxta hesab etdiyi referendumlardan sonra ilhaq etdiyi Ukraynanın dörd regionundan biridir.
Orada 2014-cü ildən bəri Ukrayna ordusu ilə Kremlin dəstəklədiyi separatçı qüvvələr arasında döyüşlər gedir. Həmin il Rusiya, həmçinin cənubda Krımı ilhaq edib.
Zelenski deyib ki, Rusiya qoşunlarının məqsədi Donetsk bölgəsinin inzibati sərhədinə doğru irəliləməkdir.
"Biz düşmənin planlarını çox aydın başa düşürük, ona görə də ona uyğun şəkildə hərəkət edirik: ehtiyatlı, düşünülmüş və bütün ərazimizin azad edilməsi maraqları naminə. Biz mövqelərimizi gücləndiririk, Rusiyanın logistikasını pozuruq və işğalçıların öz mövqelərini saxlamaq potensialını ardıcıl olaraq məhv edirik. Ölkəmizin cənubu işğal altındadır" , Zelenski əlavə edib.
