Accessibility links

Rusiya Çin və başqa ölkələrin iştirakı ilə hərbi təlimlərə başlayıb


Cümə axşamı Rusiya Çin və digər ölkələrin qüvvələrinin iştirakı ilə həftəlik hərbi təlimlərə başlayıb. Onların hər ikisi ABŞ-la gərginlik yaşadığı bir vaxt Moskva və Pekin arasında artan müdafiə əməkdaşlığını nümayiş etdirir.

Manevrlər həm də Moskvanın qoşunlarının Ukraynada döyüşdüyü halda belə, kütləvi təlimlər üçün kifayət qədər hərbi gücə malik olduğunu nümayiş etdirmək məqsədi daşıyır.

Rusiyanın Müdafiə Nazirliyi “Vostok 2022” təlimlərinin sentyabr ayının 7-nə qədər keçiriləcəyini, Rusiyanın Uzaq Şərqində və Yapon dənizindəki 7 poliqonunda 50 mindən çox əsgərinin iştirak edəcəyini və 5000-dən çox silah və sursatdan, 140 təyyarə və 60 döyüş gəmisindən istifadə ediləcəyini bildirib.

Bir sıra keçmiş sovet ölkələrinin, Çin, Hindistan, Laos, Monqolustan, Nikaraqua və Suriya qoşunlarının iştirak edəcəyi təlimlərə Rusiya Baş Qərargahlar rəisi, general Valeri Gerasimov şəxsən nəzarət edəcək.

Müdafiə Nazirliyi qeyd edib ki, Yapon dənizində keçiriləcək manevrlər çərçivəsində Rusiya və Çin donanmaları “dəniz rabitəsini, dəniz iqtisadi fəaliyyət sahələrini qorumaq və sahilyanı ərazilərdə quru qoşunlarına dəstək üçün birgə fəaliyyət göstərəcək”.

Təlimlər Rusiya prezidenti Vladimir Putinin fevralın 24-də Ukraynaya qoşun yeritməsindən sonra Moskva ilə Pekin arasında artan müdafiə əlaqələrini nümayiş etdirir.

Çin Rusiyanın addımlarını tənqid etməkdən qəti şəkildə imtina edərək, NATO-nun Moskvanı təxribata sürüklədiyinə və ona qarşı tətbiq etdiyi sanksiyalara görə ABŞ-ı ittiham edib. Rusiya da öz növbəsində ABŞ-la gərginlik fonunda Çini güclü şəkildə dəstəkləyib. Bu, ABŞ-ın Nümayəndələr Palatasının spikeri Nensi Pelosinin Tayvana son səfərindən sonra baş verib. Putin ABŞ-ın Ukraynaya dəstəyini Pelosinin səfərinə bənzədərək, hər ikisini Vaşinqtonun qeyri-sabitliyi qızışdırmaq cəhdlərinin bir hissəsi kimi xarakterizə edib.

Dünyaya Baxış

Dünyaya Baxış. Rusiya Aleksey Navalnı ilə vidalaşıb
please wait

No media source currently available

0:00 0:13:15 0:00
XS
SM
MD
LG