Güneyli yazar, blogger və türk dili müəllimi Ruzbeh Səadəti daha öncə Təbriz Məhkəməsi tərəfindən məhkum olduğu 6 aylıq həbs müddətini tamamlamaq üçün iyulun 12-də Təbrizin mərkəzi zindanına göndərilib.
Bu barədə mədəni fəalın yaxınları Amerikanın Səsinə məlumat verib.
İranın İnqilab məhkəməsi Ruzbeh Səadəti və milli fəallar İbrahim Savalan, Məhəmməd Əhədi, Mehrdad Kərəmi və Əfşin Şəhbazini 2012-ci ilin mayında “İran İslam Respublikasına qarşı təbliğat aparmaq” ittihamı ilə mühakimə edərək həbsə məhkum etmişdi.
Çıxarılan hökmə görə, Səadəti 6 ay qəti və əlavə olaraq 6 ay şərti həbsə məhkum olunub.
Ötən fevral ayında Amerikanın Səsinə verdiyi müsahibədə güneydə oyanış mahiyyətli fəaliyyətin önəmli olduğunu vurğulayan Ruzbeh Səadəti İranda türk dilinin rəsmi olmasını güneyli fəalların minimum tələbi kimi dəyərləndirmişdi.
![Ruzbeh Səadəti: Minimum istəyimiz türk dilinin rəsmi olmasıdır [Audio]](https://gdb.voanews.com/b59b6a99-2c6f-4834-8e9c-30e73df32161_w100_r1.jpg)
![Ruzbeh Səadəti: Minimum istəyimiz türk dilinin rəsmi olmasıdır [Audio]](https://gdb.voanews.com/b59b6a99-2c6f-4834-8e9c-30e73df32161_w33_r1.jpg)
