Accessibility links

Səhiyyə Naziri: Azərbaycanda "Omikron" ştamına yoluxmalar artır


Teymur Musayev

Azərbaycanda "Omikron" ştamına yoluxmalar artır.

Bu barədə səhiyyə naziri Teymur Musayev ölkədə koronavirusun "Omikron" ştamı ilə bağlı son vəziyyətini açıqlayarkən deyib.

"Digər ölkələrin təcrübəsinə baxanda son 4 həftə ərzində ümumi yoluxanların 40%-i Omikron ştamına yoluxanlardır. Artıq Azərbaycanda da koronavirusun Omikron ştamı geniş yayılmaqdadır. “

Nazir vurğulayib ki, bu ştamın yoluxduruculuğu daha üstündür.

Eyni zamanda nazir ölkədə karantin rejiminin sərtləşdirilməsinə ehtiyac olub-olmaması ilə bağlı sualı da cavablandırıb.

"Karantin rejiminin sərtləşdirilməsinə hələlik ehtiyac yoxdur," o vurğulayıb.

Son gündə Azərbaycanda koronavirus infeksiyasına yoluxanların sayı 1000-i ötüb.

Azərbaycanda keçən il fevralın 18-dən vaksinasiya başlayıb

Ölkədə 2022-ci il martın 1-dək xüsusi karantin rejimi tətbiq edilib.

Operativ Qərargahın qərarına görə, 2021-ci il mayın 31-dən Azərbaycanda açıq havada maska taxılması ləğv olunub. Bakı metropoliteninin, şəhərlərarası və rayonlararası sərnişindaşıma fəaliyyəti bərpa edilib.

İyunun 10-dan “Mall” və iri ticarət mərkəzlərinin, idman sağlamlıq obyektlərinin, ibadət yerlərinin fəaliyyətinə icazə verilib.

İyulun 1-dən toy, nişan və digər mərasimlərin keçirilməsinə icazə verilib.

Ölkədə keçən il sentyabrın 1-dən COVID-19 pasportu tətbiq edilib.

XS
SM
MD
LG