Başqa dildə danışan insanlarla necə ünsiyyət qurmalı? Bu, hər zaman aktual olmuş bir sualdır. Lakin belə görünür ki, yeni cihazlarla, sual da, problemin özü də tarixdə qalacaq. Səyahət edən insanlar çətinlik olmadan başqa dildə danışan insanlarla dil tapa biləcək.
Dünyanın hər bir yerindən olan səyahətçilər çox gözəl bilirlər ki, xarici ölkədə ünsiyyət qura bilmək çox çətin ola bilər.
Dieqo Martinez, Səyahətçi: “Bu çox qorxuludur, çünki özünü həqiqətən itmiş hiss edirsən.”
Forrest Rosenblam, Səyahətçi: “İnsanlarla ünsiyyət qura bilmədiyin üçün özünü tənha hiss edirsən. Dili bilmədiyin üçün məyus olursan.”
Lakin, biz hazırda tərcümənin qızıl dövrünü yaşayırıq. Məsələn, Google kimi şirkətlər süni zəka sahəsində əldə etdikləri ən son nailiyyətlərini tərcümə proqramlarına tətbiq edirlər. Onların bəziləri həttə İnternetsiz də çalışır. Bu isə səyahətçilərin işini xeyli asanlaşdırır.
San Fransiskoda yerləşən bu texnologiya dükanında ən çox satılan cihaz, səsi tanıyaraq, onu birtərəfli qaydada ingilis, ispan, yapon və çin dilinə tərcümə edən “İli”-dir.
200 dollardan aşağı dəyərə malik olanbu cihaz danışığını tez anlanılmasını istəyən insanlar üçün əla vasitədir.
Həmin insanlardan biri il ərzində bir neçə dəfə Yaponiyaya səyahət edən Qreq Makdonalddır.
Qreq Makdonald, Səyahətçi: “Məndə əminlik var ki, mən bu cihazla Yaponiyaya gedib, hər yerdə, hər şey soruşa bilərəm.”
Bu cihazla uzun müzakirələr etmək hələ də çətin gələ bilər. Lakin xarici ölkədə vacib sualları soruşa bilmək üçün əvəzolunmaz cihazdır.