ABŞ-da vitse-prezidentliyə sabiq namizəd Sarah Peylin bildirib ki, o, 2012-ci ildə Respublikaçılar partiyasının prezidentliyə namizədi olmağa çalışmayacaq.
Alyaska ştatının sabiq qubernatoru bu qərarını tərəfdarlarına göndərdiyi məktubda və mühafizəkar radio tok-şousunda müsahibəsi zamanı açıqlayıb.
Xanım Peylin 2008-ci ildə prezidentliyə Respublikaçı namizəd Con Makkeynin vitse-prezidenti kimi irələli sürüləndən sonra məşhurlaşmışdı. Ona bəzi mühafizəkar seçicilər böyük dəstək vermişdi və Peylinin 2012-ci ildə prezidentliyə namizəd olacağına ümid edirdilər.
Qeyd edək ki, bir gün əvvəl isə Nyu Cersi ştatının Respublikaçı qubernatoru Kris Kristi də gələn il namizəd olmayacağını açıqlamışdı.