Accessibility links

Senatorlar ABŞ kəşfiyyatının Rusiyanın seçkilərə müdaxiləsi ilə bağlı nəticələri ilə razıdır


Senatının Kəşfiyyat komitəsinin üzvləri Kapitoli binasında mətbuat konfransında

ABŞ Senatının Kəşfiyyat komitəsinin sədri Riçard Burr deyib ki, onun rəhbərlik etdiyi təhqiqatın nəticələri Rusiyanın Donald Trampa kömək etmək üçün Birləşmiş Ştatlarda 2016-cı ilə seçkilərinə müdaxilə etdiyini göstərir. Bu, ABŞ kəşfiyyatının gəldiyi nəticələrlə üst-üstə düşür.

“Biz bu nəticələri sual etmək üçün heç bir əsas görmürük. Heç bir şübhə yoxdur ki, Rusiya bizim 2016-cı ildə seçkilərimizə müdaxil etmək üçün presedenti olmayan şəkildə səy göstərib”, komitənin respublikaçı sədri bildirib.

Kəşfiyyat komitəsinin demokrat həmsədri Mark Uorner təhqiqatı alqışlayıb. “Rusiyanın səyləri genişmiqyaslı və mükəmməl olub və Donald Trampa kömək və Hillari Klintona mane olmaq üçün prezident Putinin özü tərəfindən sifariş edilib”, o bildirib.

Riçard Burr bildirib ki, kəşfiyyat komitəsi bu nəticələrə 14 ay ərzində “mənbələr, metodlar və təhlilləri nəzərdən keçirdikdən” sonra gəlib.

Heç bir şübhə yoxdur ki, Rusiya bizim 2016-cı ildə seçkilərimizə müdaxilə etmək üçün presedenti olmayan şəkildə səy göstərib
Riçard Burr

Senatın Kəşfiyyat komitəsi bunu Ədliyyə komitəsinin 2016-cı ilin iyun ayında Trampın kampaniyasının nümayəndələri və onun demokrat rəqibi olan Hillari Klinton haqqında kompomat informasiya verməyi vəd edən bir qrup rusiyalı ilə görüşü ilə bağlı 2500 səhifədən ibarət stenoqrammanı açıqlamasından sonra elan edib.

Respublikaçıların başçılıq etdiyi komitə Nyu Yorkda Tramp qülləsindəki görüş və orada iştirak edən səkkiz nəfərlə bağlı qeydlər və başqa informasiyanı açıqlayıb.

XS
SM
MD
LG