2001-ci il 11 sentyabr gününün dəhşətləri cəmi 102 dəqiqə ərzində baş verdi. O gün, müasir tarixdə ən dəhşətli terror hücumunda 2996 insan öldü.
Bunun ardınca Əfqanıstanda 19 il, 10 ay, üç həftə və iki gün davam edən müharibə başladı və Müdafiə Nazirliyinin məlumatına görə, ən az 2325 amerikalı hərbçi həlak oldu. Nə qədər mülki şəxsin öldüyünü heç kim dəqiq bilmir.
2021-ci ildə 11 Sentyabr günü Prezident Co Bayden Amerikanın ən uzun sürən müharibəsinə səbəb olan faciələrin baş verdiyi hər üç məkanı ziyarət edəcək.
Cümə günü prezident hücumlarda ölən və yaralananları, onların ailələrini və sağ qalanları xilas etmək üçün çalışanların xatirəsini yad etdiyi video mesaj yayımlayıb və milli birliyə çağırıb.
Terrorla Qlobal Mübarizə adlandırıldığı kimi, kiçik Orta Asiya ölkəsi olan Əfqanıstanın hüdudlarından kənara çıxaraq, İraqa, Afrikaya və dünyanın digər guşələrinə qədər uzandı. İraqda münaqişə nəticəsində təxminən 4500 ABŞ hərbçisi və yüz minlərlə mülki şəxs həlak oldu.
Avqustun sonuna qədər bütün qoşunların Əfqanıstandan çıxarılması ilə bağlı mübahisəli qərarından bəri Bayden administrasiyası 11 sentyabr hadisələrini işıqlandıra biləcək bir çox məxfi sənədi açıqlamaq qərarını verərək, son 20 ili geridə qoymaq üçün qəti addımlar atdı və amerikalılar geri çəkilərkən Əfqanıstanda hakimiyyəti ələ keçirən sərt teokratik Taliban hökumətindən məsafə saxlamağa çalışdı.
Şənbə günü Bayden hadisələrin baş verdiyi hər üç yeri - Nyu York şəhəri, o günəşli sentyabr səhərində American Airlines 11 təyyarəsinin Dünya Ticarət Mərkəzinin şimal qülləsinə və 17 dəqiqə sonra United Airlines 175 reysinin cənub qülləsinə zərbə yetirdiyi məkanları ziyarət edir.
ABŞ prezidenti bu hadisədən 34 dəqiqə sonra American Airlines 77 nömrəli reysini icra edən təyyarənin çırpıldığı Pentaqonu da ziyarət edəcək. Prezident Bayden və vitse -prezident Kamala Harris həmçinin həlak olanların xatirəsini anmaq üçün United Airlines-93 təyyarəsinin son mənzili olan Pensilvaniya ştatının Şanksvil bölgəsində sahəni də ziyarət edəcək.
