Azərbaycan Dövlət Sərhəd Xidməti aprelin 26-da 5 nəfər əcnəbi vətəndaşın dövlət sərhədini pozmasının qarşısını alıb.
Dövlət Sərhəd Xidmətinin Mətbuat Mərkəzinin mayın 1-də yaydığı məlumata görə, hadisə “Göytəpə” sərhəd dəstəsinin ərazisində baş verib.
“5 nəfər naməlum şəxs sərhəd zastavasının mühəndis çəpərindən keçməyə cəhd edərkən sərhəd naryadı tərəfindən sərhəd pozucusu qismində saxlanıb. Araşdırma zamanı Azərbaycandan İran istiqamətində dövlət sərhədini pozmağa cəhd göstərən şəxslərin Şri-Lanka vətəndaları - Kunarathinam Thuvisan, Sellakılı Santhırakumar, Ratnasingam Satheeskumar, Gunaslgar Kamstan və Anthony Cross Anthony Belder olmaları müəyyən olunub”, xəbərdə deyilir.
