Accessibility links

ABŞ Şimali Koreyanı diplomatiyaya üstünlük verməyə çağırıb


Amerika Birləşmiş Ştatları Koreya yarımadasının nüvəsizləşdirilməsi kimi son hədəfinə çatmaq üçün Şimali Koreya ilə bağlı bir neçə ay davam edən siyasət icmalının açıqlamasından sonra Pxenyanla diplomatik əlaqələr qurmağa hazır olduğunu bildirib.

"İndi sahib olduğumuz şey Şimali Koreya ilə açıq və araşdırılacaq diplomatiyadır. Bu, ABŞ-ın, müttəfiqlərimizin və qüvvələrimizin təhlükəsizliyini artıran praktiki irəliləyiş üçün açıq və kalibr edilmiş praktiki bir yanaşma tələb edən bir siyasətdir."

Bunu ABŞ Dövlət katibi Entoni Blinken Londonda İngiltərə Xarici İşlər Naziri Dominik Raab ilə virtual mətbuat konfransı zamanı deyib.

Raab Böyük Britaniya və ABŞ-ın "strateji paradiqmanı paylaşdığını" və hər iki ölkənin bir-birinin səylərini dəstəkləyəcəyini deyib.

Ağ Ev bir neçə ay davam edən daxili baxışdan sonra aprelin 30-da Şimali Koreya planının ümumi icmalını açıqlayıb. Bildirilib ki, ABŞ Koreya yarımadasının tam nüvəsizləşməsini istəyir.

Bu yanaşmadan razı qalmayan Şimali Koreya rəsmiləri ABŞ və Cənubi Koreyanın son hərbi təlimlərini tənqid edib və Pxenyanın insan haqları pozuntularını qınayan Bayden administrasiyasının “ölkənin ali rəhbərliyinin ləyaqətini təhqir etdiyini” deyib.

Ağ Evin Pxenyanla diplomatiya planını açıqlamasından sonra Şimali Koreya ABŞ-a “çox ağır bir vəziyyətlə” qarşılaşacağı barədə xəbərdarlıq verərək, Prezident Co Baydenə hücum edib.

Mayın 2-də Şimali Koreyanın yüksək səviyyəli diplomatı tərəfindən verilən açıqlama Bayden administasiyasının nüvə silahına malik olan Şimali Koreya ilə danışıqlara açıq olduğunu ifadə edən siyasət planına ilk rəsmi reaksiya olub.

Şimali Koreyanın Xarici İşlər Nazirliyinin ABŞ-la bağlı işlər üzrə departamentinin baş direktoru Kvon Çon Qun ABŞ-ın yanaşmasını Koreya Xalq Demokratik Respublikasına qarşı “düşmənçilik əməllərini ört-basdır etmək üçün saxta lövhə” adlandıraraq rədd edib.

Konqesin birgə iclası qarşısındakı ilk çıxışında da Prezident Co Bayden Şimali Koreyadan gələn nüvə təhlükəsinə qarşı müqavimət göstəriləcəyini vurğulamışdı.

Şərhlərə bax

XS
SM
MD
LG