Azərbaycan Respublikasına rəsmi səfərə gələn Avropa İttifaqı Şurasının prezidenti Donald Tuskun iyulun 22-də rəsmi qarşılanma mərasimi olub.
Avropa İttifaqının bayrağının və Azərbaycan Respublikasının dövlət bayrağının dalğalandığı Heydər Əliyev Beynəlxalq Aeroportunda qonağın şərəfinə fəxri qarovul dəstəsi düzülüb.
Qonağı Azərbaycan prezidenti İlham Əliyev qarşılayıb.
Donald Tuskun rəsmi twitter səhifəsində qeyd edilib ki, o, prezident İlham Əliyevdən əlavə Bakıda vətəndaş cəmiyyətinin nümayəndələri ilə də görüşəcək.
