İspaniyalı deputat Pedro Aqramunt AŞ PA-nın yeni sədri seçilib.
Yeni sədr bu gün Strasburqda öz işinə başlayan AŞ PA-nın qış sessiyası zamanı seçilib.
O bu postda Ann Brassoru əvəz edib.
P.Aqramunt 2010-2015-ci illərdə AŞ PA-nın Azərbaycan üzrə həmməruzəçisi olub.
P. Aqramunt bu vəzifədə mandatı 2017-ci ildə bir dəfə yenilənməklə, 2018-ci ilin yanvar ayına qədər fəaliyyət göstərəcək.
Pedro Aqramunt Azərbaycan üzrə həmməruzəçi olan zaman bir sıra yerli hüquq müdafiəçiləri tərəfindən kəskin tənqid edilib və hökumətin mövqeyini müdafiə etməkdə günahlandırılıb.
